Танымал футболшы Дэвид Бекхем өз Instagram парақшасын Харьков перзентханасының дәрігеріне берді

Танымал футболшы Дэвид Бекхем 72 миллион жазылушысы бар Instagram парақшасын уақытша Харьков перзентханасының дәрігеріне беру туралы шешім қабылдады. Ол UNICEF-пен бірлесіп, Украинадағы арнайы операциядан зардап шеккендерді қолдау мақсатында қаржы жинамақшы, деп хабарлайды Stan.kz ақпарат агенттігі Fontanka.ru басылымына сілтеме жасап. 

Дэвид Бекхем 20 наурызда жазба жариялап, өзінің парақшасын Харьковтегі перинаталды орталық басшысы Иринаға беретінін айтқан. Бұл орталықта әскери іс-қимыл кезінде әйелдер босанады. 

• Лукашенко: Украина Беларусь елі секілді болу керек

• Қытай алғаш рет Украинадағы соғысты айыптап, оны тоқтатуға шақырды

"Менің парақшамды бақылап, Ирина және өзге де дәрігерлердің Украинадағы өмірді сақтау үшін атқарған жұмысы жайлы көбірек білесіздер. Өтінемін, UNICEF-ке көмек көрсетіңіздер", – деді ол өз жазылушыларына.

Айта кетейік, бұған дейін Украинада бірнеше партияның қызметін тоқтатқанын хабарлаған едік. Бұл жайлы президент Владимир Зеленский айтқан.