Google Қазақстанның монополияға қарсы органдарының мәлімдемесіне жауап берді
Google бәсекелестікті қорғау және дамыту агенттігі шағымынан кейін, Android операциялық жүйесі негізіндегі құрылғыларда екі факторлы іздеу жүйесін таңдау терезесін енгізді. Бұл туралы Stan.kz ақпарат агенттігі хабарлайды.
Фото: pixabay.com
Бұған дейін бәсекелестікті қорғау және дамыту агенттігі Google LLC және Google Commerce Limited компанияларына “өз әрекетінде ұсынысты теріс пайдалану белгілерінің бар екені туралы хабарлама” жолдаған.
Бұл ретте Қазақстан Республикасының құзырынан тыс орналасқан ірі трансұлттық компанияның іс-әрекеттерінде үстем жағдайды теріс пайдалану белгілерінің болуы туралы хабарлама алғаш рет жолданған.
“Қазір жаңартуларды жүзеге асыру үшін Google Chrome браузері орнатылған кезде Android ОЖ негізіндегі қолданыстағы мобильді құрылғыларда жұмыс істейді. Екі факторлы таңдау терезесі операциялық жүйе жаңартылғаннан кейін іске қосылды”, – деп хабарлады агенттік.
Ведомство 2024 жылғы 1 маусымдағы жағдай бойынша Android операциялық жүйесі бар 4 843 890 мобильді құрылғыда таңдау терезесі кіріктірілгенін айтты.
“Біз таңдау терезесі көрсетілетін және тиісті таңдау жасайтын құрылғылар одан әрі көбейеді деп есептейміз”, – делінген есепте.
Бұл ретте 2024 жылғы 1 маусымдағы жағдай бойынша пайдаланушылар іздеу жүйелерін былайша пайдаланады:
- Пайдаланушылардың 82.95% іздеу жүйесі ретінде Google-ды таңдады;
- Пайдаланушылардың 17.04%-ы Yandex-ті іздеу жүйесі ретінде таңдады.
Көптеген елде, соның ішінде ЕО, Ресей Федерациясы және Беларусь Республикасында реттеуші мемлекеттік органдардың талабы бойынша іздеу жүйелерін таңдау экрандары енгізілген.
Бұған дейін бәсекелестікті қорғау және дамыту агенттігінің мемлекеттік компанияларға бақылауды күшейтетінін хабарлады.