Таиланд пен Камбоджа Малайзияда келіссөз өткізуге ниетті

Видеодан скриншот

Таиланд пен Камбоджа шекараның даулы учаскесінде орналасқан ежелгі Прасат Та Кхвай ғибадатханасының жанында тағы да қақтығысты. Бұл туралы Stan.kz ақпарат агенттігі хабарлайды.

Сурин провинциясының жұртшылықпен байланыс департаментінің хабарлауынша, Камбоджа әскерлері таңертең БМ-21 Град бірнеше зымыран жүйелерінен оқ жаудырған. Таиланд артиллериялық соққылармен жауап берді. Камбоджа снарядтары Таиландтағы тұрғын үйлерге тигені тіркелді.

Камбоджа алғашқы соққыларын шамамен сағат 4:30-да бастап, содан кейін Градтармен атқылау басталғаны атап өтілді. Одан кейін бірнеше үйге зақым келген, олардың біреуі толығымен қираған. Шекаралас ауыл тұрғындарының көпшілігі көшірілді, бірақ кейбір отбасылар орнында қалды.

Таиланд пен Камбоджа қақтығысты уақытша тоқтатты: Трамп екі елді татуластырмақ

Таиланд премьер-министрі кеңсесінің өкілі мәлімдегендей, Таиланд пен Камбоджа басшылары 28 шілдеде Малайзияда келіссөздер өткізуді жоспарлап отыр. Ол премьер-министрдің міндетін атқарушы Пхумтам Вечаячаи Малайзия премьер-министрі Анвар Ибрагимнің шақыруымен "аймақтағы бейбітшілік бастамаларын талқылау үшін" дүйсенбі күнгі келіссөздерге қатысатынын айтты.

Камбоджа премьер-министрі Хун Манет қатысуды жоспарлап отырғанын айтты, бірақ Камбоджа мұны әлі ресми түрде растаған жоқ.

Еске салсақ, Таиланд пен Камбоджа шекарасында қарулы қақтығыс болғаны айтылды. Арадағы қақтығыстан 32 адам қаза тапты.