Түрмеден шыққан ММА шебері қарсыласын нокаутқа түсірді
Ресейлік аралас жекпе-жек шебері Александр Емельяненко түрмеден шыққаннан кейінгі алғашқы айқасында бразилиялық Джеронимо Дос Сантосты нокаутпен жеңді.
Бұл туралы ҚазАқпарат хабарлайды.
Аталған жекпе-жек 27 қыркүйек күні Мәскеуде World fighting championship Akhmat турнирі аясында өтті. Ол алғашқы раундта-ақ қарсыласынан басым түсіп, ауыр соққылар дарытты. Дос Сантос нокауттан кейін тұрғанына қарамастан, төреші жекпе-жекті тоқтатты.
Бразилиялық біраз уақыт төрешімен дауласып көрді. Алайда бұл әрекеті нәтижесіз болып, жеңіс Емельянкоға берілді. Ресейлік 24 рет жеңіп, 7 рет жеңілген. Ал Дос Сантос 20 рет сүрініп, 38 рет ұтқан.
Естеріңізге сала кетсек, ресейлік спортшы 2016 жылы үй қызметшісі Полина Степанованы зорлап, толқұжатын ұрлағаны үшін сотталған.
Жіберіп алмаңыз:
Головкин-Альварес кездесуі бокс тарихында ең көп табыс тапқан үшінші жекпе-жек атанды
Ақтөбелік спортшы әлемді мойындатты
Джейкобс Головкинмен екінші рет кездесу үшін НВО арнасымен келісімшарт жасады