Суретші өзіне тағылған айыппен келіспейді. Ақпаратқа сүйенсек, былтыр Қаңтар оқиғасынан кейін сурет, эскиздер жариялағанын айтқан суретші бар айып “сурет салуды үйренеміз” деп келген арнайы қызметтің адамдарымен болған “әңгімеге” негізделгенін айтады.

“Олар маған жала жауып отыр. Өзімнің кінәсіз екенімді қанша дәлелдеуге тырысқаныммен, ескерген жоқ. Facebook-та елдегі саяси оқиғаларға қатысты пікір жарияладым. Соған байланысты соттап отыр. Үкіммен келіспеймін, апелляцияға беремін”, – деді Дәурен Макиннің өзі соттан кейін.

"Назарбаев інісін алып қалды": Депутат Қаңтар оқиғаларынан кейін Самат Әбіштің не себепті сотталмағанын айтты

"Барлығы қоғамдағы азаматтардан құпия түрде өтуде": Депутаттар активтерді қайтару бойынша мәліметтерді ашуды талап етті

Бұған дейін прокурор оны сегіз жылға соттауды сұраған. Ақпаратқа қарағанда, сот оның бұрын сотталмағанын, кәмелетке толмаған балаларын барын ескерген.

Былтыр суретшінің адвокаты мен жақындары Макиннен сурет салуды үйренеміз деген сылтаумен екі адам келіп, ортадағы әңгімені диктофонға жазып алғанын айтқан еді. Келгендер арнайы қызмет адамдары екені кейін анықталған. "Бар айып сол әңгімеге негізделген" дейді қорғау тарабы.

Талқылау