“Supermodel International” байқауында қазақ қызы су киіміндегі үздік образ атағын жеңіп алды
“Supermodel International-2016” Халықаралық байқауында Ақтөбе аруы Құралай Закарина “Best in Swimsuit” (су киіміндегі ең сұлу ару) атағын жеңіп алды.
Бұл туралы Stan.kz хабарлайды.
Ару сәнбикелер байқауына жарты жыл бойы дайындалған. Дұрыс тамақтану ережелерін сақтап, жаттығу залына барған. Естеріңізге сала кетсек, байқауда Қазақстанды кім таныстыратынын анықтамас бұрын, қыздар бірнеше сыннан өткен. Әділ-қазы алқалары қатысушыларды бірінші суретіне қарап таңдаған. Кейін World beauty congress Kazakhstan өкілдерімен Алматыда кездесу өткізген.
Сәнбикелерге киімді Радмила Гишаева, Дариға Тайшықова сынды қазақстандық сәнгерлер ұсынған, ал әшекей бұйымдар Brosh брендіне тиесілі.
“Super model International-2016” атағын Малайзия сәнбикесі Джозефин Тан жеңіп алған. Екінші орын ресейлік Алиса Маненокқа тиесілі болса, үшінші орын финдік Джулия Пиккарэненге бұйырды.
Естеріңізде болса “Қазақ аруы” байқауынан кейін бағы жанған сұлулар туралы жазған болатынбыз.