"Су тасқынына ұқсап тұр ма": Желіде қазақстандық азамат Мекке мен Мединаны су басты деген ақпаратты жоққа шығарды

Әлемдік БАҚ беттерінде Мекке мен Медина қалаларында су тасқыны болып жатқаны туралы ақпарат тараған еді. Алайда ол жақтағы тұрғындар мұны жоққа шығарды. Желіде қазақстандық азаматтың Мединадағы көшені көрсеткен видеосы пайда болды. Бұл туралы Stan.kz ақпарат агенттігі хабарлайды.

Фото: видео кадрларынан скрин

Видеоны Медина мен Меккеде гид болып қызмет етіп жүрген Равиль Құдайбердиев өзінің Instagram желісінде жариялады. Мұнда күн шуағын шашып, көшелердің құрғақ болып тұрғаны көрсетілген. 

“Қараңыздар достар, Мединада су тасқыны болғанға ұқсап тұр ма? Күн шығып тұр. Міне мынау су тасқыны болмаса. 

Батып жатырмыз, көмектесіңіздер! Жаңалықтар порталы бұл видеоны таратыңыздар. Өкінішке қарай, олар да суға кетіп отыр деген қауесет тарап жатыр”, – деді автор.

• Тибетте жер сілкінісінен опат болғандардың саны 95-ке жетті

• Қазақстанда табиғи апаттардан сақтандыру қоры құрылмақ

Мекке мен Медина тұрғындары ешқандай табиғат апатының болмағанын айтты. Дегенмен мұндай ақпарат әлемдік БАҚ-та тарап жатыр.

Еске салсақ, Мекке мен Медина су астында қалғаны туралы біз де хабарлаған едік. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Равиль Кудайбердиев•Медина•Умра (@aburasheedblog)