Алматы қаласы Түрксіб аудандық соты Шерниязовтың Қылмыстық кодекстің 73-бабында көзделген жазаның өтелмеген бөлігін неғұрлым жеңілірек жазаға ауыстыру туралы өтінішін қарады.

Қылмыстық кодекс бойынша онша ауыр емес, ауырлығы орташа немесе ауыр қылмыс үшiн жазасын өтеп жатқан адамға, келтірілген залалды толық өтеген не жазаны өтеудің белгіленген тәртібін бұзбаған жағдайда, сот жазаның қалған өтелмеген бөлiгiн неғұрлым жеңiл жаза түрiмен ауыстыруы мүмкін. Алайда Шерниязов келтірілген залалды толығымен өтемеген.

Түрмеден шығып, қайта келеді: Сотталған вайнерлер Төребаев пен Шерниязов жұмысқа орналасты

“Сотта Шерниязовты Алматы қаласы Алмалы аудандық сотының 2023 жылғы 23 маусымдағы үкімімен Қылмыстық кодекстің “Қаржы пирамидасын құру және басқару” бойынша 5 жылға бас бостандығынан айыру жазасы тағайындалғаны анықталды. Азаматтық талаптың жалпы сомасы 814 120 806 теңге, мемлекеттік баж түріндегі сот шығыны 8 045 602 теңге.Сотталушымен 15 000 теңге көлемінде мемлекеттік баж және Жәбірленушілерге өтемақы қорына 58 340 теңге мәжбүрлі төлем өтелген. Үкім 2024 жылдың 1 ақпанында заңды күшіне енді”, – делінген соттың ақпаратында.

Сот келтірілген шығынның толық өтелмеуіне байланысты өтінішті қанағаттандырудан бас тарты.

“Сот талқылауы барысында сотталғанның жазасын неғұрлым жеңіл жазамен ауыстыру туралы өтініш хатты қанағаттандырудың негізгі критерийлерінің бірі болатын зиянның өтелмегені де анықталды. Барлық мән-жайды ескере отырып, сот Шерниязовтың жеке ісінің материалдарын жан-жақты зерттеп, сот қаулысымен өтінішхатты қанағаттандырусыз қалдырды”, – делінген соттың хабарламасында.

Қаулы заңды күшіне енген жоқ.

Еске салсақ, осыған дейін вайнерлер Мейіржан Төребаев пен Мейірхан Шерниязов Түркісіб аудандық сотына мерзімінен бостандыққа шығару туралы шағым түсірген.

Талқылау