Синоптиктер: Жаңбырлы күндерден кейін суық келеді

Қазақстан бойынша 2021 жылғы 18-20 мамырға арналған ауа райы болжамы жарияланды, деп хабарлайды Stan.kz ақпарат агенттігі Қазгидрометке сілтеп.

Синоптиктердің сөзінше, жаңбырдан кейін елімізге салқындау келеді.

"Апта ортасында Қазақстанның басым бөлігінде тұрақсыз ауа райы күтіледі, атмосфералық фронтальды жүйелердің өтуіне байланысты кей жерлерде күн күркіреп, шығыста, солтүстікте, орталықта жаңбыр жауады. 20 мамырға жақын еліміздің оңтүстік-шығысында кей жерлерде қатты жаңбыр жауады. 19 мамырдан бастап Салехард аудандарынан суық антициклонның ығысуымен күндізгі ауа температурасы солтүстікте 12-17 жылыға дейін, орталықта 15-20, кей жерлерде 12 жылыға дейін, шығыста 10-15, кей жерлерде 7 жылыға дейін төмендейді. Республика бойынша жекелеген аудандарда желдің күшеюі, дауыл күтіледі, бұршақ жаууы мүмкін", - делінген ауа райы болжамында.