Stan.kz сайтын Telegram арқылы оқыңыз. Арнамызға жазылыңыз.
Шымкентте үйлену тойы кезінде қонақтың маңдайына оқ атып, пышақтап кеткен
Шымкентте қарашаның 14-нен 15-не қараған түні үйлену той салтанатында бірнеше ер азамат арасында өзара жанжал туындап, атыс шығарған, деп хабарлайды қалалық полиция департаментінің баспасөз қызметіне сілтеме жасап Stan.kz.
Сурет: AFP 2018 / KAREN BLEIER
Жанжал кезінде қонақтардың бірі травматикалық қарудан С. есімді азаматқа оқ атқан. Салдарынан оң маңдайы мен іші жарақаттанған. Мұнан кейін тағы бір адам оның артқы жағына пышақ сұғып алыпты.
Мұнан кейін «Мазда» көлігіне отырып, оқиға орнынан ізін суытқан олар полицияның қызметтік көлігімен соқтысыпты.
Ал жәбірленген жігіт қалалық ауруханаға жеткізілді. Оған қажетті медициналық көмек көрсетілуде.
Полиция қызметкерлері жанжалдың барлық қатысушыларын анықтап, күдіктілер ұсталды. Қазіргі уақытта сотқа дейінгі тергеу амалдары жүргізіліп жатыр.
Талқылау