Шымкентте үшем дүниеге келді
Шымкентте үшем дүниеге келді. Бұл туралы Stan.kz ақпарат агенттігі Otyrar.kz телеарнасына сілтеме жасап хабарлайды.
Шымкент қалалық перинаталдық орталығында өмірге келген үшемнің салмақтары екі келіден жоғары. 8 тамызда кесір тілігі жасалып, босандырып алынған 37 жастағы Арайлым Сарсенбекова үшеммен бірге күні кеше үйіне шығарылды.
"Сәбилердің денсаулығында ақау жоқ. Анасымен бірге үшем нәрестелер күту бөлімшесінде екі аптаға жуық медициналық бақылауда боды. Қазіргі уақытта босанған әйелдің және 3 сәбидің жағдайы жақсы", – дейді дәрігерлер.
Сарсенбековтер әулетінде дүниеге келген үшемге туыстары Амина, Хадиша, Мұхамммед деп есім берген.
Талқылау