Жұқпалы індеттің таралу қауіпі бар: Нұр-Сұлтан-Шымкент бағытымен келген автобустың 16 жолаушысы іздестірілуде
Шымкентте коронавирусқа шалдыққан азамат келген қалааралық автобустың жолаушылары іздестрілуде, деп хабарлайды Stan.kz ақпарат агенттігі.
Бұл туралы ақпарат және қоғамдық даму министрі Дәурен Абаев мәлімдеді.
Шымкентте тіркелген алғашқы науқас Нұр-Сұлтаннан Шымкентке қалааралық автобуспен келген.
"Науқастың қандай автобуспен келгені белгілі болды. 51 жолаушының 35-і табылып, карантинге жіберілді. Қалған 16-сы жақын арада анықталып, диспансерге жіберіледі", - деді Абаев.
Шымкент қаласының бас санитар дәрігері Әбдіманат Төлебаев коронавирус жұқтырған азаматпен қарым-қатынаста болғандардың барлығы анықталып, карантинге жатқызылды деп мәлімдеген болатын. Алайда, атап өтерлік жайт, елордалық "Сапаржай" автобекеті қалааралық автобустың жолаушылары жайлы деректерге ие емес көрінеді.
Еске салайық, бұған дейін Шымкентте ауруға шалдыққан екінші науқас жайлы айтылған еді.
Талқылау
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
Даррен Чандлер: "Қазақ тілін әйелімнің тілі болғандықтан жақсы көремін"
“Келін қылып алатын қыз”: Желіде қазақша ән айтқан португалиялық ару қазақстандықтарды тәнті етті
Лара: "Қазақтар өте-өте талантты халық”