Шымкентте әкімдік ғимаратынан өрт шықты (видео)
14 тамызда Шымкент қаласы Абай ауданы әкімдігі ғимаратының шатыры өртенді. Төтеншеліктер өрттен ешбір адам зардап шекпегенін мәлімдеді. Бұл туралы Stan.kz ақпарат агенттігі хабарлайды.
Қалалық төтенше жағдайлар департаменті мәліметінше, таңға жуық "112" қызметіне Әл-Фараби ауданы Тәуке хан даңғылы №3 мекенжайында орналасқан әкімдік ғимаратының шатырынан өрт шыққаны туралы хабарлама түскен.
"Өрттің жалпы көлемі 1200 ш.м. болды. Өрт сағат 04:58-де оқшауланып, 05:27-де толығымен сөндірілді. Өртте зардап шеккендер мен қаза болғандар жоқ. Өрттің себебі анықталуда", – делінген ТЖД хабарламасында.
Өртті сөндіруге Шымкент қаласы төтенше жағдайлар департаментінің 21 техникасы және 88 қызметкері, Апаттар медицинасы орталығынан 1 техника мен 3 маман, жергілікті атқарушы органнан 2 техника мен 2 қызметкер жұмылдырылды.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген