Шығыс Қазақстан облысында жүк пойызы рельстен шығып кетті: Бірнеше вагон Ертіс өзеніне құлады (видео)
Шығыс Қазақстан облысын жүк пойызының вагондары рельстен шығып кетті. Оқиға Өскемен-Күмістау теміржол аймағында болған, деп хабарлайды Stan.kz ақпарат агенттігі.
Әлеуметтік желіде көпір маңында рельстен шығып кеткен вагондардың видеосы тарады. Куәгерлер 10 вагонның аударылып, тағы 6 вагонның Ертіс өзеніне құлағанын айтқан.
Кейін "Қазақстан Темір жолы" ресми мәлімдеме жасап, оқиғаның 3 сәуірде 12:04-те болғанын айтты.
Жүк пойызының барлығы 18 вагоны рельстен шыққан. Пойыз 37 км/сағ жылдамдықпен қозғалған. Кен тиелген екі вагон Ресей меншігінде, өзге он алты вагон "ҚазцинкТемірТранс" ЖШС-ға тиесілі.
Зардап шеккендер мен құрбандар жоқ. Қазір қалпына келтіру жұмыстары жүріп жатыр. Оқиғаның мән-жайын анықтау үшін арнайы комиссия құрылған.
Талқылау
Қазақстандық блогерлер "лотереяға" тыйым салатын заңды айналып өтудің жолын тапты
Былтырдан бері 113 адам жауапқа тартылып, 50 миллион теңгеден астам айыппұл салынған екен
"Құс үркітіп сағатына 8 200 теңге таптым": Англияда жүріп 1 миллионнан аса айлық алатын қазақстандық жұмысы туралы айтып берді
Алтынай: "Қазақстанда пәтер ақысы, несие, бала-шағаға айлықты жеткізе алмай қиналатынымыз рас”