"Мьянмадан бізге дейін Үнді тақтасының әсерінен болатын сейсмикалық белсенділіктің қалыпты жолы. Осы тақта біздің сейсмикалық климатымызды қалыптастырады. Ол үнемі қозғалыста, Тәжікстанда жиі дүмпулер болып тұрады", — дейді сейсмолог.

Сарапшының айтуынша, оның алаңдаушылығын тудыратын нәрсе — Жамбыл облысы мен Оңтүстік-Шығыс Азиядағы жер сілкіністері тектоникалық тақталар тұрғысынан бір күнде болғаны.

Сарапшы Еуразия мен Үнді тақталарының ежелгі соқтығысуынан Гималай таулар жүйесі пайда болғанын айтады. Гималай тауларының оңтүстік-шығыс шетінде Мьянма, ал солтүстік-батыс шетінде біздің тауларымыз— Гиндукуш, Памир және Тянь-Шань орналасқан.

"Геологиялық тұрғыдан алғанда, егер Мьянмадан бастасақ, алдымызда Гималай таулары жатыр, ол Гиндукушқа тіреледі, одан Памирге өтеді, ал Памир Тянь-Шаньға жетеді, бұдан әрі біздің жеріміз. Геомеханика, геология және тектоника тұрғысынан алғанда, бұл бәрі тығыз байланысқан жүйе. Мен Мьянмадағы жер сілкінісінің механизмін зерттедім, онда төрт вектордың бірі біздің жаққа бағытталған.

Әрине, ол аймақта жиі дүмпулер болып тұрады, бірақ біз оларды сезбейміз. Сондықтан қазіргі кезде нақты қауіп жоқ деп айтуға болады. Дегенмен, егер маған сұрақ қойылса, мен барлық қызметтерге – ТЖМ, ұлттық сейсмологиялық бақылаулар мен зерттеулер ғылыми орталығының мамандарына алдағы екі-төрт апта ішінде қатты мониторинг жүргізіп, аймақтағы сейсмикалық жағдайды мұқият бақылауды ұсынар едім", – деді Мұхтар Хайдаров.

Еске салсақ, бұған дейін 28 наурыз күні Қазақстанның Жамбыл облысында 5 балдық, ал Мьянмада 7,7 балдық жер сілкіністері болғаны туралы жазған едік.

Талқылау