Серікбол Сайлаубек барахолкада киім сатып қиналған күндерін еске алды
Серікбол Сайлаубек даяшы болып жүріп қонақтарға алданған күндерін еске алды. Әнші тек дәмханаларда емес, базарда да сатушы болып жұмыс істеген екен.
Сурет: Chesnok.kz
Бұл туралы Астана арнасының “Ел аузында” бағдарламасында айтылды деп хабарлайды Stan.kz тілшісі.
“Даяшы болып жүріп түрлі қызықты оқиғаларды көресің. Біреулер банкеттен кейін “Қазір далаға шығып ақшаны алып келемін” дегенде сеніп қалып, талай алданған болатынмын. Қонақтар тамақтың ақшасын төлемей кетіп қалса, әкімшілік оны сіздің мойныңызға асып қояды”, – дейді әнші.
Мейрамханаға кейін ол даяшы емес, әнші болып қайта оралған. Десе де, сол кезде дәмханаларда көп алданған Серікбол “Базардан бақыт табамын” деп саудаға кеткен. “Ол кезде барахолка деген болатын. Сол жерде балалардың киімін сататынмын. Қаланың бәрін киіндірдім десем де болады”, – дейді Серікбол Сайлаубек.
Осылайша ол ақырындап өнер жолына жақындай бастаған. Өнердегі алғашқы қадамдары кадр сыртында болатын.
Жіберіп алмаңыз:
Ақбота Керімбекованы тойда ақ көйлек киюге күйеуі көндірген
Айгүл Иманбаева: Әр адам өз биігінде өледі
Роза Рымбаева не себепті шәкірт тәрбиелеуден бас тартқанын ашып айтты