Соңғы жаңалықтар
Соңғы жаңалықтар

Серік Сәпиев мәдениет және спорт министрлігінде басшылық қызметке келді

Танымал боксшы Серік Сәпиев Мәдениет және спорт министрлігінің Спорт және дене шынықтыру істері комитетінде басшылық қызметке келді. Бұл туралы ведомствоның баспасөз хатшысы Раухан Тоғымбаева мәлімдеді, деп хабарлайды Stan.kz.

Серік Сәпиев

«Серік Сәпиев ҚР МСМ Спорт және дене шынықтыру істері комитеті төрағасы қызметіне тағайындалды», – делінеді хабарламада.

Айта кетсек, бүгін Серік Сәпиев депутаттықтан кетті. Бұл туралы Мәжілістің пленарлық отырысында белгілі болды.

ҚР Орталық сайлау комиссиясының xатшысы Бақыт Мелдешев Сәпиевтың депутаттық қызметтен кету туралы өтінішті өзі бергенін айтты. Мәжілісмендер оның депутаттық қызметін мерзімінен бұрын тоқтату туралы шешім қабылдады.

Мәжіліс төрағасы Нұрлан Нығматулин Сәпиевке алғыс хат табыстады.

Өз кезегінде Серік Сәпиев мемлекет басшысы Нұрсұлтан Назарбаевқа сенім білдіргені үшін, сондай-ақ мәжіліс депутаттарына палатадағы қызметі кезінде көрсеткен қолдауы үшін алғыс білдірді.

Stan.kz сайтын Telegram арқылы оқыңыз. Арнамызға жазылыңыз.

Талқылау
Пікір
Қазір оқып жатыр
Çàãðóçêà...
Қазір оқып жатыр