Семейде өткен той үшін атақты спортшылар мен әншілер, ақындар жазаланатын болды

Семейде өткен тойдан кейін спортшылар мен ақындар масқара болды. Желі қолданушылары «Қазақстан Барысы» жеңімпаздары, актерлар мен шоумендер барған тойдың видеосын таратты.

Полиция карантинді бұзғаны үшін атағына қарамастан бәрін жазалауға уәде етеді, деп хабарлады Астана арнасы.

Семейде белгілі палуандар, «Қазақстан Барысы» турнирінің жеңімпаздары Айбек Нұғымаров, Мұхит Тұрсынов, сондай-ақ театр актерлары, ақындар мен шоумендер тойға барды. Олардың барлығы үйлену тойының видеосына түсіп қалды. Кадрлардан тойдың ауқымды түрде тойланып жатқаны анық көрінеді. Кем дегенде жүз қонақ бар: әншілер, ақындар, кәсіпкерлер, фотографтар. Барлығы маскасыз жүр. Үйлену тойындағы видеоны көрген жұрт бірден жағымсыз пікір жазды.

"Біздің жұлдыздарға бәрібір, шешім мен айыппұлдар қарапайым адамдарға арналған.

"Шынында да, кейбіреулеріне айыппұл салынады, бірақ басқаларға бәрі болады".

"Айбектің өзі карантин талаптарын сақтайық деп еді, өзі тойда жүр", - деді олар. 

Айбек Нұғымаров бұған дейін коронавируспен ауырған. Ауруханада жатып видео түсіріп, COVID-19-дың қаншалықты қауіпті екенін айтты. Бірақ спортшы бұл жолы түсініктеме беруден бас тартты.

"Атағына қарамастан, кез келген адамды жаза күтіп тұр" - , деп сендірді Семей полициясы. Олар тек той иелеріне ғана емес, қонақтарға да айыппұл салуға уәде береді.

Талқылау
Пікір
Қазір оқып жатыр
Çàãðóçêà...
Қазір оқып жатыр