Семейдегі мешітте намаз оқып отырған қыз соққыға жығылған: Полиция істі тоқтатты (видео)
Желіде мешітте намаз оқып жатқан қызға шабуыл жасалған видео пайда болды. Бұл туралы Stan.kz ақпарат агенттігі хабарлайды.
Фото видеодан алынған
Оқиғаның видеосын журналист Сандуғаш Дүйсенова өзінің Instagram парақшасында жариялады. Видеодағы жағдайдың Семей қаласында болғаны анықталды. Кадрлардан әйелдің мешітте намаз оқып отырған қызға шабуыл жасап, тепкілеп жатқанын көруге болады.
“Мешітте болған жағдай! Бір дөкейдің әйелі намаз оқып отырған қызды тепкілеп, соғып кетіпті! Бұл недеген бассыздық? Имамдар қайда қарап жүр? Сонда Алланың үйінде әр мұсылманды осылай сабай берсе не болғанымыз?”, – делінген видеоның жазбасында.
Қазақстанда әйел қызының мешіттегі қылығы үшін сотқа тартылған
Оқиғаға қатысты Абай облыстық полиция департаменті түсініктеме берді.
"Бұл дерек облыстық полиция департаментінің Семей қалалық Әуезов ПБ-на тіркелді. Әйелдің шағымы болмағандықтан, одан әрі іс жүргізуді тоқтату туралы өтінішпен қарсы арыз түсті", – делінген хабарламада.
Еске салсақ, бұған дейін Шымкентте мешіттегі намаз кезінде ер адамның төбелес шығарғаны туралы жазған едік.