Қазақстанда әйел қызының мешіттегі қылығы үшін сотқа тартылған
Жамбыл облысының тұрғынына қызы мешітте қайыр сұрағаны үшін айыппұл салынған. Әйел жұмыста болған кезде баласының не істеп жүргенін білмейтінін айтты. Бұл туралы Stan.kz ақпарат агенттігі хабарлайды.
Фото: Pixabay
Жамбыл облысының кәмелетке толмағандардың істері жөніндегі мамандандырылған ауданаралық сотында "Кәмелетке толмаған баланы тәрбиелеу және (немесе) оқыту, құқықтары мен мүдделерін қорғау жөніндегі міндеттерді орындамау" бабы бойынша әкімшілік іс қаралды.
Сотта анықталғандай, кәмелетке толмаған қызы анасына ескертпестен, туысқанымен мешітке барып, сол жерде адамдардан қайыр сұраған.
Анасы кінәсін мойындап, сол уақытта жұмыста болғанын, қызы оған бұл туралы айтпағанын түсіндірді. Нәтижесінде ол кінәлі деп танылып, оған 51 мың теңге айыппұл салынды. Қаулы әлі заңды күшіне енген жоқ.
Көкжайлаудағы QR-код жұртты шулатты: Аумаққа кіру ақылы болып кетті ме
Ақы төлемегендерге 21 625 теңге айыппұл салынады
Азық-түлік жеткізетін Airba Fresh сервисі жабылды: Жұмыссыз қалған қызметкерлер енді өтемақы ала алмай жүр
Оның сөзінше, қызметкерлерден жұмыстан өз еркімен шығу туралы өтініш жазу талап етілген