Scat әуе компаниясы Шымкент-Санкт-Петербург бағытында рейс ашпақ
Қазақстандық Scat әуе компаниясы Шымкент-Санкт-Петербург рейсін ашуды жоспарлап отыр. Бұл туралы Stan.kz ақпарат агенттігі хабарлайды.
Фото: flickr.com
Ақпарат Telegram-дағы арналарда пайда болды. Онда Көлік министрлігі әуе компанияны Шымкент-Санкт-Петербург-Шымкент бағыты бойынша тұрақты рейстерге ресми тасымалдаушы етіп тағайындағаны жазылған.
“Бұл бағытта әзірге ұшу кестесі немесе билеттер жоқ. Қазір "Россия" Пулководан Алматыға, ал SCAT Астанаға ұшады”, – делінген хабарламада.
Ал Scat әуе компаниясы Ресейдің мәдени астанасына рейстер ашу жоспары барын хабарлаған.
"Қазір компания 2025 жылға арналған жаңа рейстерді ашу кестесін жоспарлап жатыр. "Шымкент-Санкт-Петербург" бағытын ашу жоспарда бар. Толық ақпарат кейінірек беріледі", – делінген хабарламада.
Айта кетейік, бұған дейін Ақтауда ауа райының қолайсыздығына байланысты Шымкенттен ұшатын SCAT ұшағы әуежайға қонбай, Атырауға кетіп қалғаны туралы жазған едік.
“Партизан болған, 400-ден астам жаралы сарбазды құтқарған”: Екінші дүниежүзілік соғыста ерлік көрсеткен қазақ қыздары кімдер
