Бекжігітова сүйіктісімен бірге тойларына дайындалып жүр (фото)
“Алматы аруы-2010” байқауының жеңімпазы Салтанат Бекжігітова тұрмысқа шыққалы жатыр. Бірақ шынайы өмірде емес, әріптестерінің бейнебаянында. Аталған туындыға өмірдегі сүйіктісі Сандыжар да түскен екен.
Фото: instagram.com/bekzhigitova/
Бұл туралы Stan.kz хабарлайды.
Сәнбике әрі тележүргізуші Салтанат Бекжігітова сүйіктісі Сандыжармен бірге бейнебаянға түсті. Аталған бейнебаянда екеуі ғашықтардың рөлін сомдайды. Жуырда екеуі Алматыдағы бойы ұзын адамдар байқауына қатысып, бас жүлдені жеңіп алған болатын. Бекжігітованың бойы – 180 см болса, сүйіктісінің бойы – 193 см екен.
“Бізге бақыт тілеген жандарға көп рахмет! Шынымызды айтсақ, біз бүгін бейнебаян түсірдік. Оны жуырда көгілдір экраннан көретін боласыздар. Осылайша өзіміздің тойымызға да дайындық жүргіздік”, – дейді Салтанат Бекжігітова.
Салтанат Бекжігітова мектеп қабырғасында ұзын бойынан қатты ұялған. Мұнымен қатар, өзін ұсқынсыз деп санаған. Бірақ есейе келе комплекстерін жеңіп, “Алматы аруы-2010” байқауында бас жүлдені иеленді. Бұдан кейін медицина саласында білім алып, ұстаздық етуді армандады. Алайда ақырында экономикалық факультетке тапсырып, сол жерде білім алады.
Жіберіп алмаңыз:
Ерке Есмахан екінші рет тұрмысқа шықпақ
Жасы отызға таяған Луина тұрмысқа шығуға асығып жүргенін айтты