"Рөлге ие бола алмай қалған": Нұр-Сұлтанда жүргізуші үш жаяу жүргіншіні қағып кетті

Нұр-Сұлтанда бірнеше жаяу жүргінші қағып кетті, деп хабарлайды Stan.kz ақпарат агенттігі Астана ПД баспасөз қызметіне сілтеме жасай отырып.

Instagram-дағы пабликтердің бірінде жаяу жүргіншілерді қағып кеткен ЖКО видеосы жарияланды.

Полиция хабарлағандай, жол апаты бүгін сағат 15.19-да болған. 37 жастағы жүргізуші KIA маркалы автокөлігін басқарып, Жұмабаев көшесімен жүріп, Қошқарбаев көшесінің қиылысында рульді басқара алмай, тротуарда тұрған үш жаяу жүргіншіні қағып кеткен. Содан кейін металл қоршауға барып соғылған.

• Алматының бақылау бекетіндегі жол апаты: Аман қалған полицей алғаш рет сотта жауап берді


• Ескерту жасаған: Ақтауда жасөспірім 58 жастағы әйелді көлікпен әдейі үш рет соққан


• "Қайтыс болар алдында анасымен сөйлесіп тұрған": Алматыда 14 жастағы жеткіншекті көлік қағып кетті

"ЖКО нәтижесінде 59 жастағы әйел, 33 жастағы ер адам және 4 жастағы бала түрлі дене жарақатымен ауруханаға жеткізілді. Дәрігер қарағаннан кейін бала үйіне жіберілді", - деп хабарлады баспасөз қызметі.

Қазіргі уақытта апат себептерін анықтау жұмыстары жүргізілуде.