25 қазан - Республика күні: Қазақстандықтар енді тойланбайтын мереке жайлы хабарсыз
Тәуелсіздік алғалы 25 қазан Республика күні ретінде тойланып келді. Алайда бұл күн мемлекеттік мерекелер тізімінен 2009 жылы алынып тасталды. Stan.kz тілшісі алматылықтар арасында сауалнама жүргізіп, Республика күні туралы білімдерін тексерді.
Сауалнама нәтижесі Республика күні мереке ретінде көпшіліктің есінде жоқ екенін көрсетті. Көбі Тәуелсіздік күнімен шатастырып жатты.
Айта кетейік, 1990 жылдың 25 қазаны күні Қазақ КСР Жоғарғы Кеңесінің шешімімен "Қаз ССР-нің мемлекеттік егемендігі туралы" декларация қабылданды.
Сол сәттен бастап егеменді Қазақстан еңсесі биік, терезесі тең жеке мемлекет ретінде таныла бастады. Қабылданған декларация Қазақстанның болашақ тәуелсіздігінің іргетасы саналды. Бұл декларацияның қабылдануымен егемендігін мәлім ететін жеке территориясы, азаматтығы, мемлекеттік бюджеті, халықаралық қатынастардағы дербестігі, мемлекеттік рәміздеріміз бекітілді.
- Қазақстандықтар осы күзде қайта оқшаулануға қалай қарайды?
- Қазақстандықтар коронавирусқа қарсы жаппай вакцинация жайлы қандай пікірде
- Зейнетке қашан шығатынын білмейді: Алматылықтардың зейнет жасы туралы жауаптары таңғалдырды
Қазақстанның егемендігі және территориясының тұтастығы саяси, құқықтық және экономикалық тұрғыдан дәйектелді. Осы кезден бастап демократиялық қоғам құру мақсатында ел ішіндегі қоғамдық-саяси құрылымға біраз өзгерістер енгізіле бастады. Бұл акт арқылы әлем картасындағы жаңа мемлекет Қазақстан Республикасының негізі қаланды.
Республика күні Қазақстанда 1992 жылдан бері тойланып келе жатқанымен мемлекеттік мерекелер тізіміне тек 2001 жылы ғана енгізілді. 2009 жылы "Қазақстан Республикасындағы мерекелер туралы" қолданыстағы заңға өзгерістер енгізілді. Оған сәйкес, 30 тамыз - Қазақстан Республикасының Конституциясы күні ұлттық мереке болып өзгертілуіне байланысты, 25 қазан - Республика күні мемлекеттік мерекелер тізімінен алынып тасталды.
Сауалнаманың толық нұсқасын Youtube каналымыздан көре аласыздар.