"Реал Мадрид" Алматыдағы қонақүйді тұтастай жалға алуға қанша төлегені белгілі болды
Фото: ihg.com
Алматыға УЕФА Чемпиондар лигасының матчы үшін келген "Реал Мадрид" командасы InterContinental қонақүйін толығымен жалға алу үшін қанша төлегені белгілі болды. Бұл туралы Stan.kz ақпарат агенттігі хабарлайды.
SHOT Telegram-арнасының ақпаратынша, "Реал Мадрид" футболшыларға жағдай жасау үшін 28 қыркүйектен 1 қазанға дейін InterContinental қонақүйін толығымен жалға алған. Бұл келісімнің құны – 278 миллион теңге (507 мың доллардан артық).
28 қыркүйек – 1 қазан аралығындағы күндерге стандартты нөмірдің орташа бағасы тәулігіне 375 долларды, ал люкс бөлмесі – 560 долларды құраған. Қонақүйде барлығы 277 нөмір бар, олардың барлығын "Реал" иеленген. Команда Алматыға 40-тан астам адамнан құралған құрамымен келген.
-
"Үш бөлмелі үйдің құны": "Реал Мадридтің" супер жұлдызы Мбаппенің Қазақстанға киіп келген образы қанша тұрады
-
"Әлсіз тұстарын таптық": "Қайрат" "Реалды" қалай жеңбек
-
Реал Мадрид Орталық стадионның алаңына риза емес: УЕФА клубтың талабын қанағаттандырмады
26–29 қыркүйек аралығында Алматыға "Қайрат" – "Реал Мадрид" матчын тамашалау үшін Қытай, Үндістан, Ресей, Жапония, Ұлыбритания, Испания, Чехия, ТМД елдері және өзге де еуропалық мемлекеттерден 5 мыңнан астам шетелдік қонақ келген.
Еске салсақ, осыған дейін "Реал Мадрид" командасы Алматыдағы қонақүйді түгел жалға алғаны туралы жазғанбыз.
"Студенттердің шәкіртақысында несі бар": Қазақстандықтар шетелде оқитын жастарға салық төлету туралы ережені сынға алды
