Рамзан Қадыровтың 20 жастағы қызы жоғары лауазымға ие болды

Шешенстан басшысы Рамзан Қадыровтың қызы 20 жастағы Хадижат Қадырова Грозный қаласындағы мектепке дейінгі білім департаментінің бастығы қызметіне тағайындалды. Бұл туралы өзінің Instagram парақшасында аймақ парламентінің басшысы Магомед Даудов жазды, деп хабарлайды Stan.kz ақпарат агенттігі.

"Құрметті достар! Құрметті жиенім, ЧР тұңғыш президентінің немересі, Ресей батыры Ахмат-қажы Қадыровты үлкен қуанышпен құттықтаймын. Мен Хадижаттың өзін департамент басшысы ретінде лайықты көрсететініне және оның жұмысын сапалы жаңа деңгейге көтеретініне сенімдімін! Құрметті жиеніме шын жүректен табыс пен сәттілік, денсаулық пен амандық тілеймін!"- деп жазды Даудов.

"Қазақты жолықтырғаның, бауырыңды кездестіргенің". Рамзан Қадыров Қазақстанды мақтады 

Шешендік БАҚ Хадижатты Рамзан Қадыровтың қызы емес, "Ахмат қажы Қадыровтың немересі"деп атағанды жөн көреді. Хадижаттың өзі туралы мәлімет аз. 2013 жылдың қараша айында Қадыров өзінің Instagram парақшасында қызының Хафиз болып, Құранды жаттап алғанын жазды.

Осы жылдың қыркүйек айының басында Қадыровтың тағы бір қызы, 21 жастағы Айшат Шешенстанның Мәдениет министрінің бірінші орынбасары қызметіне тағайындалды. 

Қараша айында 28 жастағы Хас-Магомед Кадыров Шешенстан әкімшілігі мен үкіметінің жетекшісі болды. Рамзан Қадыровтың төртінші ағасы, бұрын Республика Қауіпсіздік Кеңесінің хатшысы болған.

Осыдан біраз уақыт бұрын аймақ басшысының жиені Идрис Черхигов Гудермес және Жібек аудандарының кураторы қызметін атқарды, ал ақпан айында тағы бір жиені Хамзат Қадыров Шешенстанның спорт министрі болды.

Рамзан Қадыров пен оның әйелі Медни Айдамированың он баласы бар-төрт ұлы мен алты қызы.