QazaqGaz компаниясынан бірнеше миллиард теңгеге тең заңбұзушылықтар анықталды

QazaqGaz (бұрынғы ҚазТрансГаз) басқарма төрағасы Санжар Жаркешов ұлттық компанияда тексеріс кезінде анықталған заңбұзушылықтар туралы айтты, деп хабарлайды Stan.kz ақпарат агенттігі.

Оның сөзінше, QazaqGaz компаниясының қызметіне толық тексеріс жүргізілген.

• QazaqGaz компаниясының 7 жылдағы шығыны 587 миллиард теңгені құрады - сенатор

• Болат Назарбаев және Қайрат Шәріпбаевпен байланысы бар майнингтік компаниялар өз қызметін тоқтатты

"Бүгінде 937 миллиард теңгеден аса сомаға делдалдық схемалар мен қаржылық заңбұзушылықтар анықталды, оның ішінде құқық қорғау органдары 123 миллиард теңгенің заңбұзушылықтарын анықтады", – деді Жаркешов Мәжілісте өткен Үкімет сағатында.

Айта кетейік, 2022 жылдың қаңтарында Қайрат Шәріпбаев QazaqGaz компаниясының төрағасы қызметінен кеткен еді.