Qarmet өндірістік процеске табиғи газды сәтті енгізіп жатыр

80 жылдық тарихы бар Теміртаудағы Qarmet металлургиялық комбинаты алғаш рет өндірісті газдандыру ауқымды жобасының бастапқы кезеңін аяқтап отыр. Бұл – өндірісті жаңғырту мен экологиялық әрі тұрақты технологияларға көшу жолындағы маңызды қадам.

2025 жылғы 29 тамызда сағат 17:33-те №2 домна пеші алғаш рет табиғи газ қабылдады. Комбинат үшін бұл жаңа технология, себебі табиғи газды қолдану өндірістік үдерістерге өзгерістер енгізуді қажет етеді. Қазір мамандар газды қабылдау мен оның шығынын ұлғайту процесін оңтайландыру жұмыстарын жүргізіп жатыр. Qarmet-тің болат департаментінің директоры Андрей Берг табиғи газды қолданудың алғашқы оң нәтижелері туралы айтып берді.

"Қазірдің өзінде табиғи газды пайдаланудың жоғары тиімділігін көріп отырмыз. Домна пешінің өнімділігі артып келеді және ең бастысы, кокстың шығыны айтарлықтай азайды. Бұған қоса, бұрын барлық домна пешінде қолданылған мазутты пайдалану толық тоқтатылды. №2 домна пешінде 29 тамыздан бастап мазут іс жүзінде қолданылмайды", – деп атап өтті Берг.

Сонымен қатар табиғи газ бірінші илемдеу цехының әдістемелік пештерінде де қолданыла бастады. Қазірдің өзінде төрт пештің үшеуі жұмыс істеп тұр, газдың шығыны сағатына шамамен 10 мың текше метр болады. Қыркүйек айының соңында №3 домна пешін табиғи газға қосу жоспарланып отыр. Ал төртінші домна пешінде құбыр жүйесін тарту жұмыстары белсенді жүріп жатыр, қазан айының басына дейін барлық үш домна пеші табиғи газбен жұмыс істейтін болады.

Табиғи газға көшу алғашқы нәтижесін беріп үлгерді. Домна цехында бірнеше ауысым бойы жұмыс істеген бригадалар тұрақты жұмыстың және параметрлердің жақсарғанын атап өтті. Методикалық пештерде коксты-домна қоспасының параметрлеріне және коксты, домна пештерінің жұмыс режимдеріне тәуелділіктің төмендеуі тұрақтылыққа, берік болуға және слябтардың біркелкі қыздырылуына ықпал етеді. Бұл өз кезегінде прокат станының жұмысының сапасына оң әсерін тигізіп отыр.

Qarmet металлургиялық комбинатының табиғи газға көшу процесі туралы толық мәліметті сілтеме арқылы қолжетімді деректі фильмнен көруге болады.