Павлодардың жаңа әкімі жеке WhatsApp нөмірімен бөлісті

Павлодар әкімі Ержан Иманслям қала тұрғындарымен WhatsApp нөмірімен бөлісті, деп хабарлайды Stan.kz ақпарат агенттігі.

Бұл туралы ол өзінің жеке Instagram парақшасында хабарлады.

"Халық үніне құлақ асатын мемлекет - бұл халықтың мәселелері мен сауалдарына жедел жауап беретін билік.

Осы бір жарым апта ішінде мен әлеуметтік желілердегі аккаунттар арқылы жүзден астам өтініш алдым. Олардың кейбіреулері бірден шешімін тапты, кейбірі мұқият қарауды талап етеді", - деп жазды әкім.

Ол сондай ақ, Павлодар қаласы әкімдігінің ресми сайтында «Онлайн-қабылдау» сервисі жұмыс істейтінін, онда адамдар өздерін толғандырған сұрақтарды тікелей қоя алатынын айтты.

"Біздің диалог одан да нәтижелі болу үшін мен бүгіннен бастап жеке ватсап нөмірімді іске қосамын: +7 778 598 4948, - деп атап өтті Ержан Иманслям.

Айта кетейік, Павлодарда жаңа әкім 27 шілдеде тағайындалды.

 

Талқылау
Пікір
Қазір оқып жатыр
Çàãðóçêà...
Қазір оқып жатыр