Павлодардағы балалардың улануы: Бұрыш спрейін 10 жастағы оқушы сеуіп жіберген
Павлодарда 15 баланың уланып, ауруханаға түсуіне себеп болған бұрыш спрейін мектептің 10 жасар оқушысы шашқан, деп хабарлайды Stan.kz ақпарат агенттігі.
Полицейлердің айтуынша, қыз банканы көшеден тауып алған.
Кінәліні іздеу барысында тәртіп сақшылары мектепте орнатылған бейнекамералардың жазбаларын қарап шықты.
"Осы мектептің оқушысы, 2012 жылы туған кәмелетке толмаған жасөспірім анықталды. Қыздың айтуынша, үшінші сабақтан кейін ол қызығушылық үшін дәптерге бұрыш спрейін шашып жіберген. Ол спрейді көшеден тауып алған", - деді аудандық ІІБ бастығының бірінші орынбасары Жасқайрат Қайыров.
Полицейлер мектеп оқушысы және оның ата-анасымен профилактикалық әңгіме жүргізді. Қыздың мінез-құлқын мектептің профилактикалық кеңесі қарайды.
Павлодар облысының денсаулық сақтау басқармасы жедел жәрдем көлігімен жеткізілген 15 баланың тек екі оқушысы ғана ауруханаға жатқызылуы керек екенін хабарлады.
Зардап шеккен балалар екі төртінші сыныптың оқушылары. Ауыр жағдайлар болған жоқ. Барлық балалар педиатрларға қаралды, екеуіне орташа дәрежедегі улану диагнозы қойылды, ауруханаға жатқызу ұсынылды. Оларға көмек көрсетілді, жүйені алғаннан кейін екі оқушының да жағдайы жақсарып, ата-аналары үйлеріне алып кетті. Қалғандары жеңіл уланған. Оларға госпитализация қажет болмады.
Еске салсақ, Ленин кенті мектебінде газ шашылып, оның иісінен 15 бала зардап шеккені туралы жазған болатынбыз.