Павлодар облысының тұрғыны иті үргені үшін айыппұл төлеуге мәжбүр болған
Павлодар облысының тұрғыны иті үргені үшін ақша төлеуге мәжбүр болды. Бұл туралы Stan.kz ақпарат агенттігі 31-арнаның “Информбюро” бағдарламасына сілтеме жасап хабарлайды.
Мәліметке сәйкес, ит түнімен үріп, көршілерін ұйықтатпаған. Сосын олар шыдамы таусылып полицияға шағымданған. Нәтижесінде, үй жануарының иесі 20 мың теңгеге жуық айыппұл төлеуге мәжбүр болған.
Өңірде тағы бір тұрғын үйде осыған ұқсас жағдай болған. Онда ит екі күн қатарынан үрген. Алайда иесі көршілердің шағымын елемеген.
Павлодар облысында жыл басынан бері тыныштық бұзған төрт мыңнан астам адам жазаланды. Айыппұл 5 АЕК, яғни 19 жарым мың теңгеден асады.
“Егер ит түнде үріп, көршілердің мазасын алса, бұл тыныштық туралы заңға қайшы келеді. "Мал ғой, түсінбейді" деген сылтау заң тұрғысынан дәлел емес. Егер басқаларға зиян келтiрiлсе, меншiк иесi заңға сәйкес жауап береді”, – делінген полиция хабарламасында.
Талқылау
Джей Ло концертінде жұмыс істеген кәмелетке толмаған волонтерлер ұйымдастырушыларға шағымданды
Кей ата-аналар мұндай жағдайдың бұрын да болғанын айтты
"Әр адам қай тілде сөйлесе де, өзі біледі": Қазақша қызмет көрсетуден бас тартқан Алакөлдегі демалыс орны жұмысын тоқтатты
Қазақстандықтар қазақ тілінде қызмет көрсетуден бас тартқан Алакөлдегі демалыс орны басшысы үстінен шағым түсірді