Павлодар облысында ер адам жасөспірімді зорлаған: Қыздың анасы қазақстандықтарға үндеу жолдады

Фото: freepik.com

Павлодар облысында ересек ер адам жасөспірім қызды зорлаған. Бұл туралы Stan.kz ақпарат агенттігі хабарлайды. 

Әлеуметтік желіде зорлыққа ұшыраған қыздың анасының видеосы тарады. Әйел Павлодар облысының құқық қорғау орғандарының әрекетсіздігіне шағымданды.

“Мен ересек ер адам тарапынан сексуалды зорлық-зомбылыққа үшыраған жасөспірім қыздың анасымын. Еліміздегі қыз өсіріп отырған барлық аналарға үндеу жолдаймын, қызым екеуміздің 3 айлық тергеу жұмыстарының нәтижесінде келген жерімізді жауыма да тілемеймін. Қызымды зорлаған ер адамның әлі күнге кәмелетке толмаған жасөсірімдермен сөйлесіп жүргенін білдім. Осы балалармен де біздің басымыздағы жағдай қайталануы мүмкін деп ойлаймын. Балаларыңызды қорғаңыздар”, – дейді әйел. 

Таразда бір жыл бойы балдызын зорлап келген педофилге сот үкімі шықты

"Көлік жүргізуді үйретемін": Түркістан облысында ер адам 17 жастағы қызды бір жыл бойы зорлап келген

Видеоның сипаттамасында күдіктінің әлі күнге бостандықта жүргені айтылған. 

Полиция департаменті аталған жағдай бойынша қылмыстық іс қозғалғанын атап өтті. 

“Күдікті анықталып, ішкі істер органдарына жеткізілді. Қазіргі уақытта оқиғаның барлық мән-жайларын анықтауға бағытталған қажетті тергеу іс-шараларының кешені жүргізілуде. Іс аяқталу сатысында, тергеудің толықтығы мен жан-жақтылығы қамтамасыз етіледі, қорытындысы бойынша материалдар сотқа жіберіледі”, – делінген полиция хабарламасында. 

Еске салсақ, бұған дейін Павлодарда өгей қызын зорлаған ер адам өмір бойына сотталғаны туралы жазған едік.