Павлодарлықтар автокөлікті өртеген адамды өздері жазаламақ болған

Павлодар қаласының тұрғындары қала аулаларының бірінде автокөлікті өртеп кеткен адамдарды ұстады, деп хабарлайды Stan.kz ақпарат агенттігі.

Павлодарлықтардың көлікті өртеген ер адамды ұстағаны Instagram-да жария болды.

Куәгерлер белгісіз ер адамды сол жерде ұстап алып, оны өздері жазаламақ болған.

Жанып жатқан машина бірнеше метр жерде тұрған.  

"Мен көлікті өртеп жібердім", - дейді видео авторы.

Павлодар облысы Төтенше жағдайлар департаментінің баспасөз қызметі автокөліктің өздігінен өртенбегенін растады.

"29 қарашада 00.22-де Гагарина көшесі, 76/3 мекен жайында өрт туралы хабарлама келіп түсті. Өрт сөндірушілер үйдің ауласына 1999 жылғы Nissan Cefiro көлігіндегі резеңке бұйымдар 0,5 шаршы метр жерде жанып жатты. Өрт сөндірілді. Себеп - қасақана өртеу", - деп түсіндірді облыстың төтенше жағдайлар департаментінің баспасөз қызметі.

Сарапшылар келтірілген шығынды анықтайды.  Полиция қызметкерлері де оқиғаның мән-жайын анықтауда.

"Бұл факт тіркелді. Тұлға анықталды. Тексеру жүргізілуде", - деп атап өтті облыстың ДП баспасөз қызметі.

Талқылау
Пікір
Қазір оқып жатыр
Çàãðóçêà...
Қазір оқып жатыр