Пәтер сыйлады: 5 жасар қызды аяусыз ұрған Нұр-Сұлтан тұрғыны түрмеден құтылып кетті

Нұр-Сұлтанның №2 Есіл аудандық сотында өте сирек кездесетін "азаптау" бабы бойынша айыпталған 46 жастағы Әміржан Тұрановтың ісіне қатысты сот үкімі жарияланды. Қылмыстық кодексте көрсетілгендей, азаптау - бұл жүйелі түрде ұрып-соғу немесе басқа да зорлық-зомбылық әрекеттері арқылы физикалық немесе психикалық зақым келтіру. Ересек адам бұл әрекеттерді бес жасар қызға қарсы қолданған, деп хабарлайды Stan.kz ақпарат агенттігі "Время" басылымына сілтеме жасап.

Тергеу барысында анықталғандай, аралас жекпе-жектің әуесқойы, ережесіз жекпе-жектің жанкүйері Әміржан Тұранов 46 жасында болған, ажырасқан және жалғыз тұрған. Алайда, ол үйге әйелдің керек екенін біліп, танысына бірге тұруға ұсыныс жасаған.  Әйел келісіп, бірден Тұрановтың үйіне көшкен, бірақ жалғыз емес, бес жасар қызымен бірге.

Алғашқы күннен Әміржан баланы тәрбиелеуді ұйғарған. Бұл үшін ол пластикалық құбыр тауып, баланы ұрған. Ол кез келген жерден - бөксесінен, арқасынан, кеуде тұсынан ұрған. 

Келесі күні "тәрбие процесі" жалғасқан. Жаңа "әке" баланы ұрып қана қоймай, бұрышқа тұрғызып қойған. Полиция ұстағанға дейін Тұранов күн сайын, бес күн бойы кішкентай қызды мазақ еткен.



Айғақты зат ретінде тек пластикалық құбыр ғана емес, сонымен қатар тағы екі қысқыш резеңке  және сырғышы бар күрек тәркіленді. Қылмыстың ауырлығын ескере отырып, күдікті дереу тергеу изоляторына жіберілді, онда ол  тергеу жүріп жатқан кезде үш айын өткізді.

Тұрановтың ісі бойынша сот процесі өте тез өтті. ММА әуесқойы кінәсін мойындады, өкініп, баладан кешірім сұрады, ал залалды өтеу ретінде ол қыздың отбасына пәтер берді. Осыдан кейін жәбірленуші тарап баланың анасының атынан соттан кінәліні түрмеге отырғызбауды, басқа жазаны таңдауды сұрады. Судья Қанат Дүйсембиев бұл өтінішті тыңдап, Әміржан Тұрановты 6 жылға бас бостандығын шектеуге үкім шығарды.

Талқылау
Пікір
Қазір оқып жатыр
Çàãðóçêà...
Қазір оқып жатыр