"Барлығы ұйымдасқан": Парамен ұсталған Атырау облысының әкімі өзінің кінәлі емес екенін мәлімдеді

Парамен ұсталған Атырау облысы әкімінің бірінші орынбасары Нұрлан Таубаев өзінің кінәсіз екенін мәлімдеді. Әкімнің бұрынғы орынбасары бұл әрекеттерді арандатушылар ұйымдастырғанын айтып, оларды жазаға тартатынын айтты, деп хабарлайды Stan.kz ақпарат агенттігі.

10 қыркүйекте Атырауда 182 миллион теңге пара алды деген күдікпен облыс әкімінің бірінші орынбасары Нұрлан Таубаевтың ұсталғаны туралы ақпарат пайда болды.

Бүгін адвокат Игорь Вранчев Таубаевтың мәлімдемесін жариялады. Таубаев қауесетке сенбеуді өтініп, барлығы ұйымдасқан екенін айтты. 

"10 қыркүйекте сағат 15:00-де ҚР сыбайлас жемқорлыққа қарсы іс-қимыл агенттігінің қызметкерлері үйіме келіп, меннен сөйлесуге баруды өтінді. Оқиға орнына жеткен агенттіктің қызметкерлері маған ұсталғанымды айтты. Мен не үшін деген орынды сұрағыма жауап ала алмадым. Бір сағат күткеннен кейін маған адвокатымды шақыруға рұқсат берді", - деп жазды Таубаев.

Сол күні тергеушілер ауысып, әкімнің орынбасарын барлығын мойындауға мәжбүрлеген. Артынша ол тергеу изоляторына жеткізілген.

Оның айтуынша, ол әлі күнге дейін нақты не үшін айыпталып отырғанын, параның мөлшері қанша екенін және оның қашан болғанын білмейді.

"Осы сұмдық арандатушылықтың артында кім тұрғанын білетінімді және өзімнің кінәсіз екенімді дәлелдеу үшін бәрін жасайтынымды, кінәлілер әділ жазасын алу үшін бәрін жасайтынымды айтқым келеді. Бұл оқиғаны арнайы ұйымдастарған. Мен президентке дейін жетемін", - дейді ол.