"Өзіңізді жек көресіз": Жарқынай Ханайым түсік жасатқысы келетін келіншекке ақыл айтты

Бойына біткен баласынан арылғысы келетін келіншек Жарқынай Ханайымнан кеңес сұрады. Жуырда "екінші балама жүктімін" деп жариялаған әнші түсік жасатқысы келетін оқырманына өз ақылын айтып, сабырға шақырды, деп жазады Stan.kz тілшісі.

"Сізді түсінем. Әйел адамда ондай сезім жауапкершіліктен, қорқыныштан пайда болады деп ойлаймын. Қасыңызда сенімді адамыңыз жоқ шығар. Балаңызды қолыңызға алғанда сол ойыңыз өміріңіздегі ең жаман ой екенін түсінесіз. Сол үшін өзіңізді жек көресіз сосын. Баланы жатырыңызға салып, жан берген Алла. Ал Алланың жоспарынан мықты жоспар жоқ. Сабыр етіңіз. Мүмкіндік беріңіз балаға. Ол да сіз сияқты адам. Өмір көргісі келеді. Анасы деп сізді таңдап тұр. Ең болмағанда қаншама бала армандап жүрген адамдарды ойлаңыз. Солардың алдында сіз бақыттысыз", - деді Жарқынай. 

Сондай-ақ, актриса барлығына қалай үлгеруге болатынын сұраған оқырманына жауап берді. 

• Жазира Байырбекова: Әйелдің басына жауапкершілікті үйіп, ерлерді еркелетіп жіберген сияқтымыз

• "Сегіз жылдай бөпе көрмедік": Қыдырәлі Болманов Қарақат екеуінің басына түскен сынақ жайлы айтты

"Арманы көп адамды ештеңе тоқтата алмайды деп ойлаймын. Алла өмір беріп тұрғанда неге ол өмірден қалағаныңды алмасқа? Әрекетке берекет. Бәріне ұмтылып, өміріңді күннен күнге жақсарту немесе бәрін кейінге қалдырып өмір сүру өз таңдауың. Нәтижесі де солай. 

Мен соншама қырып, жойып жатқан жоқпын. Тек қолымнан келеді-ау деген жерден бағымды сынап жатырмын. Бақ қай жақтан жанады, қай жерде өзіңді табасың оны тек жасап көріп білесің. Ешкімге ештеңені шектеуге болмайды. Біреудің сөзі деп басыңызды сұғып көруден бас тартпаңыз", - деді ол.