Отандастар бір-біріне қарсы бақ сынасты: Қазақстандық дзюдошылар Португалиядағы әлемдік турдың гран-при финалына шықты
Атыраулық дзюдошы Әбиба Әбужақынова Португалияның қаласы Алмададағы әлемдік турдың гран-приінде алтын медаль жеңіп алды, деп хабарлайды Stan.kz ақпарат агенттігі.
48 келіге дейінгі салмақ дәрежесіндегі финалда қазақстандықтар бір-біріне қарсы бақ сынады. Әбужақынова өзінің отандасы Ғалия Тынбаевамен кездесіп, вадза-ариді бағалауға лақтыру арқылы жеңіске жетті.
Қазақстандық спортта әйелдер арасында мұндай жағдай бірінші рет орын алды. Спортшыларға медальдарды халықаралық дзюдо федерациясының бас директоры Влад Маринеску табыстады.
25 жастағы Әбиба Әбужақынова – 2022 жылғы Ташкенттегі әлем чемпионатының қола жүлдегері, Абу-Дабидегі "үлкен дулыға" турнирінің қола жүлдегері, Азия чемпионатының күміс жүлдегері.
Талқылау