Оралдық шенеунік туысының жасаған тойы үшін қызметінен қуылады
Орал қаласының тұрғын үй-коммуналдық шаруашылық басқармасы басшысының орынбасары Ербол Арыстанғалиев туысының кесірінен жұмыстан қуылады. Мұндай шешімді Әдеп жөніндегі кеңес қабылдады, деп хабарлайды Stan.kz ақпарат агенттігі "Мой город" порталына сілтеме жасап.
Мәліметке сүйенсек, өткен жылдың тамыз айында Зачаганск қаласындағы мейрамханалардың бірінде Арыстанғалиевтің балдызы (әйелінің інісі – ред.) той жасаған.
Көпшілік орынға жиналуға тыйым салынған карантин уақытында өтіп жатқан той туралы мониторинг тобы біліп, той болып жатқан жерге келеді. Топ құрамында Зачаганск қаласының әкімі Аққали Әубекеров пен әкімдіктің маманы Жігер Батыров болған.
Сол жерде күйеу жігіттің облыс орталығындағы шенеуніктің туысы екені анықталады. Мониторинг тобының мүшелері "түсіністікпен қарап", қарсы шараға қолдануға бармайды.
Алайда олар өз "мейірімділіктері" үшін кейін жауап беруге мәжбүр болды.
Шенеуніктердің үстінен қылмыстық іс қозғағанымен, қылмыс құрамының болмауына байланысты жабылып, материалдар мемлекеттік қызмет істері жөніндегі департаментке берілді. Істен өткендердің әрқайсысы өз нұсқаларын айтты.
- Петропавлда аялдамада ұйықтап қалған шенеунік қызметінен босатылды
- "Шетелдегі демалыстар, миллион теңгелік сөмкелер": Ең сұлу шенеуніктің желідегі суреттері көпшілік назарына ілікті
- Ауқымды арнайы операция: Қазақстанның бірнеше өңірінде шенеуніктер ұсталды
Әдеп жөніндегі кеңесте Батыров пен Әубекеровтің қызметтік талаптарға толық сәйкес келмеуі туралы қалалық әкімдікке ұсыныс жолдау туралы шешім қабылданды.
Өткен отырыста Ербол Арыстанғалиев өз кінәсін мойындады.
"Мен тойға қарсы екенімді айтқанмын", - деді Арыстанғалиев әдеп жөніндегі кеңесте.
Кеңес мүшелерінің шешімдері екіге бөлінген. Бір тарап шенеуніктерді жарты жылдан астам уақыт бұрын жасаған әрекеттері үшін жазалауды қажет деп таппаса, екінші тарап бұл оймен мүлдем келіспеген.
"Барлығын сол бастады (Ербол Арыстанғалиев). Ол телефон шалғаннан кейін әріптестерін жазалай бастады. Сондықтан жаза қатаң болуы керек, менің ұсынысым – жұмыстан босату", - деді кеңес мүшесі, Өлкелік революциялық комитеттің төрағасы Әлібек Қадырбеков.
Орал қаласы әкімінің орынбасары Мирболат Нұржанов Ербол Арыстанғалиевтің маман ретінде жақсы жағынан ерекшеленетінін айтты.
Соған қарамастан, дауыс беру кезінде Орал қаласының әкіміне тұрғын үй-коммуналдық шаруашылық басқармасы басшысының орынбасары Ербол Арыстанғалиевті қызметінен босатуды ұсыну туралы шешім қабылданды.