Нұр-Сұлтан әуежайында ер адам ұшақта жарылғыш заттың барын айтып, шу шығарды
Елорда әуежайында Нұр-Сұлтан Анталия бағытындағы Turkish Airlines ұшағына жолаушыларды отырғызу кезінде 44 жастағы азамат ұшақта жарылғыш заттың барын айтып, бірнеше рет айқайлап, шу шығарған. Ер адамның мас болғаны анықталды, деп хабарлайды Stan.kz ақпарат агенттігі КТК арнасына сілтеме жасап.
Әуежай аймағы мен ұшақ борты түгелдей тексеріліп, жарылғыш заттар немесе басқа да қауіпті құрылғылардың табылмады.
Аталған факті бойынша ҚР Қылмыстық кодексінің 273-бабы (Терроризм актісі туралы көрінеу жалған хабарлау) бойынша сотқа дейінгі тергеу басталды. Қазақстан Республикасы Қылмыстық кодексінің бұл бабының санкциясында бес жылға дейін бас бостандығынан айыру жазасы қарастырылған.
Күдікті кінәсін мойындады. Ол қазір полиция департаментінің уақытша ұстау изоляторына қамалды. Тергеу мүддесінде ҚР Қылмыстық-процестік кодексінің 201-бабының талаптарына сәйкес өзге де мәліметтер жария етілуге жатпайды.
Талқылау

Астана әкімдігі сенбілікте пластик жинағандарға қағаз салфетка таратқан: Экологтар бұның үлкен қате екенін айтып, дабыл қақты
Пластик орнына бір рет қана қолданылатын қағаз салфетка беру логикаға сыймайды дейді олар

"Ет, құрт, қазы, музыкалық аспап алып кіре алмайды": Қазақстандықтар ұшаққа отырарда нені ескеруі тиіс
Әуежайда затыңызды өткізбей тастамас үшін мынадай ережелерді білген жөн