Қар, жаңбыр, бұршақ жауады: Қазақстанның 13 облысында ауа райына байланысты ескерту жарияланды
Қазақстанның 13 облысында 5 сәуірге дауылды ескерту жарияланды. Бұл туралы Stan.kz ақпарат агенттігі хабарлайды.
Фото: istockphoto.com
Қостанай облысында түнде және таңертең облыстың батысы мен шығысында тұман болады. Оңтүстік-батыстан соққан желдің екпіні таңертең және күндіз 15-20 м/с, кей жерлерде 23 м/с-қа дейін жетеді. Қостанай қаласында күндіз оңтүстік-батыстан соққан желдің жылдамдығы 15-20 м/с болады деп болжанған.
Жетісу облысының оңтүстігінде, таулы аймақтарында күндіз қатты жаңбыр, найзағай, бұршақ жауады деп болжанған. Оңтүстік-батыстан соққан жел солтүстігі мен батысында 15-20 м/с, Алакөл көлдері маңында кей кездері 23-28 м/с-қа дейін күшейеді.
Семейде және Абай облысында түнде оңтүстік-батыстан, батыстан соққан жел 15-20 м/с, екпіні 23 м/с болады деп болжануда.
Қызылорда облысының орталығында түнде шаңды дауыл күтіледі. Түнде оңтүстік-батыстан соққан желдің екпіні облыс орталығында 15-20 м/с болады.
Өскемен қаласы мен Шығыс Қазақстан облысында түнде оңтүстік-батыстан соққан жел 15-20 м/с, екпіні 23 м/с күтіледі.
Алматы облысының оңтүстігі мен батысында күндіз қатты жаңбыр жауады, таулы аймақтарда қатты жауын-шашын (жаңбыр, қар) болады. Облыстың солтүстігі, оңтүстігі мен таулы аймақтарында кей жерлерде найзағай ойнап, бұршақ жаууы мүмкін.
Алматы қаласында күндіз қатты жаңбыр, найзағай болады деп болжанады.
Қонаев қаласында да күндіз қатты жаңбыр жауып, найзағай болады.
Ақмола облысының солтүстігі, оңтүстігі және шығысында түнде жаңбыр мен қар түріндегі жауын-шашын, көктайғақ болжанады. Түнде және таңертең тұман болады. Оңтүстік-батыстан жел соғып, облыстың солтүстігі, оңтүстігі және шығысында түнде екпіні 15-20 м/с, күндіз 15-20 м/с, облыстың батысы мен солтүстігінде екпіні 25 м/с.
Қарағанды облысының батысы, солтүстігі және шығысында түнде көктайғақ болады. Түнде және таңертең осы аудандарда тұман түседі.
Ұлытау облысының шығысында түнде көктайғақ болжанады. Түнде және таңертең облыстың солтүстігі мен шығысында тұман болады.
Жамбыл облысының таулы аймақтарында қатты жаңбыр жауады. Облыстың батысы, оңтүстігі, шығысы және таулы аймақтарында найзағай, күндіз бұршақ жауады деп болжанған. Тараз қаласында кейде найзағай ойнайды, күндіз бұршақ жаууы мүмкін.
Батыс Қазақстан облысының батысында күндіз найзағай болады.
Солтүстік Қазақстан облысының оңтүстік-шығысында түнде көктайғақ болжанған. Облыстың оңтүстігінде түнде және таңертең тұман болады. Петропавл қаласында күндіз оңтүстік-батыстан екпіні 25 м/с болатын жел соғады.
Еске салсақ, бұған дейін Қазақстан бойынша сәуір айына арналған ауа райы болжамы жарияланған еді.
"Баланы тұз қосылған суға шомылдыру, омырауын сығу" сынды салттар қаншалықты дұрыс – Мамандар жауап берді
