"Іріңдеп, ісініп, өлім қаупін тудыруы мүмкін": Қазақстандықтар ел аймақтарында жыланның көбейгеніне шағымданды
Қазақстандықтар биыл жыландардың көбейгеніне шағымданды. Тек Шымкенттің өзінде бес адам жылан шағып зардап шеккен. Бұл туралы Stan.kz ақпарат агенттігі Оtyrar.kz порталына сілтеме жасап хабарлайды.
Фото: pixabay
Шымкент қаласының тұрғыны Ақтан Колғанатов Өскемен маңындағы көлдерде демалып жүрген кезінде өзін жылан шағып алғанын жеткізді. Кейін аяғы ісіп кеткен. Дегенмен медициналық көмек көрсетілгендіктен денсаулығына ауыр зардаптар болмаған екен. Жәбірленуші биыл жыландардың көбейгенін алға тартты.
"Адамдар шағымдануда. Тіпті Кашате қаласының өзінде көптеген жартасты төбелер бар. Сондықтан мұнда олар көптеп кездеседі", - деді ер адам.
Дәрігерлер жыланның шағуы адамға қандай қауіп төндіретінін және шаққан жағдайда не істеу керегін жеткізді.
"Жылан қанның ұюына әсер ететін ең күшті токсинді шығарады. Шаққаннан соң кішкентай капиллярлар жарылып, ісіну мен некроз басталады. Гиперемия, қатты ауырсыну болып, тістеген жердегі тері түсі өзгереді. Ауырсыну мен ісіну бүкіл денеге таралуы мүмкін. Іріңді процесс дамуы мүмкін. Шағу орнында жара пайда болады. Егер адам дер кезінде дәрігерге жүгінбесе, тіпті өлім қаупі де төнуі мүмкін", - деді Шымкент гипербариялық оттегімен қанықтыру орталығының бас дәрігері Мадина Ермаханбетова.
Дәрігер науқас ауруханаға неғұрлым кеш жүгінсе, емдеу соғұрлым ұзаққа созылатынын ескертті.
"Алғашқы көмек кезінде жылан шаққан адамның денесіне ісік таралмауы үшін ол тыныш тынығып, жатуы керек. Сонымен қатар, жарадан уды сорып алуға болады. Ауыз қуысына енген кезде у адамдар үшін қауіпті емес. Ең бастысы оны жұтып қоймаңыз", - деп кеңес береді мамандар.
Ресми ақпаратқа сәйкес, Қазақстанда улы жыландардың үш түрі кездеседі. Олар қарапайым жылан, шығыс дала жыланы және тұмсықты жылан. Тағы екі жылан гюрза мен орта азиялық эфа туралы да ақпарат бар.
"Қарапайым жылан елдің шығыс, солтүстік-шығысында кездеседі. Қазақстанның көп бөлігінде ренара мен тұмсықты жыланы кездеседі. Тұмсықты жылан тауларда немесе шөлді жерлерде тұрақтайды", - деді Алматы хайуанаттар бағының серпентологы Александр Гурнев.
Маманның айтуынша, жыландар адамдарға бірінші шабуыл жасамайды. Көбінесе олар адамдар байқаусызда басқан кезде немесе бауырымен жорғалаушылар жатқан тастарды, діңгектерді ұстағанда тістейді. Сондықтан жыланды көргенде одан қауіпсіз қашықтыққа алыстаған дұрыс. Сонымен қатар, жыланды өлтірудің қажеті жоқ. Бұл бауырымен жорғалаушылар кеміргіштер мен жәндіктерді жеп табиғатта маңызды рөл атқарады.