Мерекелеу аясында металлургтер ескерткіші жанындағы алаңда танымал қазақстандық әртістердің қатысуымен концерт ұйымдастырылып, ұтыс ойындары өткізілді.

Қала мен зауыт өмірі бір-бірімен тығыз байланысты. Металлургтер күні Теміртау қаласының әрбір тұрғыны үшін – отбасылық мерекедей. Осы орайда "АрселорМиттал Теміртау" компаниясы Теміртау қаласының тұрғындары мен қонақтарына концерт ұйымдастырды. Сол күні сахнадан металлургтерге түрлі тілектер мен жылы лебіздер айтылды.

“Құрметті әріптестер, металлургтер, сіздерді кәсіби мерекелеріңіз – Металлургтер күнімен құттықтаймыз. Металлург мамандығы ерекше шыдамдылық пен болаттай қайсар мінезді қажет етеді. Бұл күн барлығымыздың басымызды қосып қаламызда ерекше атап өтіледі. Осы зауытты салып, алғашқы металды шығарған, алғашқы рекордтарды орнатқан, дағдарысты, қайта құру кезеңін бастан өткеріп, осы кәсіпорынды алға тартқандарға шын жүректен алғыс айтамын. Қазір "АрселорМиттал Теміртау" АҚ кәсіпорнында еңбек етіп жүргендердің барлығына ерекше құрмет білдіргім келеді. Мен өзімнің металлург екенімді мақтан тұтамын. Өзімді Теміртаудағы осындай металлургтер отбасының мүшесімін деп есептеймін. Сіздерге амандық, жұмыстарыңызға табыс, денсаулық тілеймін. Мейрамдарыңызбен!” – деді "АрселорМиттал Теміртау" компаниясының бас директоры Владимир Яблонский.

Теміртау қаласының әкімі Ораз Таурбеков "АрселорМиттал Теміртау" АҚ металлургиялық зауытының Қарағанды облысы мен еліміздің мақтанышы екенін жеткізді.

“Біздің қаламыз – республикамыздың дамыған индустриялық аймақтарының бірі. Металлургия зауыты біз үшін жай ғана қала құраушы кәсіпорын емес, өңіріміздің және еліміздің экономикасының бір бөлігі. Сіздерге кәсіби қызметте жаңа жеңістер мен жетістіктер тілеймін. Қаламызбен бірге көркейе берейік", – деді Ораз Таурбеков.

Сондай-ақ металлургтерді бұл күнмен "Жақтау" металлургтер кәсіподағының төрағасы Виктор Щетинин, Теміртау қалалық мәслихатының төрағасы Алексей Ломакин құттықтады.

“Қаламыз республикамыздың дамыған индустриялық аймақтарының бірі. Металлургия зауыты біз үшін жай ғана қала құраушы кәсіпорын емес, экономикамыздың, өңіріміздің және еліміздің экономикасының локомотиві. Сізге кәсіби қызметте жаңа жеңістер мен жетістіктер тілеймін. Қазақ Магниткамыз көркейе берсін, қаламыз көркейе берсін!", – деді Ораз Таурбеков.

Бұл күні көрнекті болат өңдеушілер, прокатшылар, құюшылар, балқытушылар, домна пешшілері, кеншілер – еңбегі металлургиямен байланысты барлық адамдар құрметке бөленді. Дәстүр бойынша металлургиялық комбинаттың үздік жұмысшылары "Еңбек даңқы" орденінің белгілерімен марапатталды.

Бірақ металлургтердің тосынсыйлары мұнымен бітпеді. Зауыт жұмысшылары арасында 49 велосипедтің ұтыс ойыны өтті. Жеребе тарту рәсімін "АрселорМиттал Теміртау" АҚ бас директоры Владимир Яблонский өзі өткізді. Бірақ лотереяның 50-ші жүлдесі Haval M6 көлігі болды. Оның бақытты иесі "АрселорМиттал Теміртау" ЦРОО АГП ДЦ РМЗ АО шебері Сая Жаманбайұлы Жакин болды. Ол өзінің сәттілігіне басында сенбеді. Сая Жаманбайұлы зауытта 30 жылдан астам еңбек етті. Оның зейнеткерлікке шығуына да аз уақыт қалған. Ал мұндай жүлдені жеңіп алу ол үшін нағыз бақыт болды.

“Осындай мереке, осындай сыйлық үшін "АрселорМиттал Теміртау" компаниясына алғыс айтқым келеді. Барлық достарым, әріптестерім, туыстарым телефон соғып, құттықтап жатыр. Көбісі тіпті әлі сенбейді. Бірақ бұл шындық! Жәрмеңке ұтыс ойыны үшін рахмет, "АрселорМиттал Теміртау" компаниясына және жеке бас директорға осы Металлургтер күнін біз үшін ұмытылмастай еткені үшін алғыс айтамыз”, - деді Сая Жакин.

Ұтыс ойынының соңғы жеңімпазының велосипед емес, көлік алуы нағыз тосын сый болды. Ұтыс ойынына қатысушылар 50 адамның барлығы велосипед алатынына сенімді болды. Бас директор 50-ші жеңімпаз бар. Бірақ велосипед қалмады деп жариялағанда, көлік апаттық шамдарын жарқыратып, сахна жанындағы алаңға кірді. Көрермендердің ду қол шапалақтаған үні тіпті сахнадағы әуенді де басып тастады.

Кеш бойы металлургтерді теміртаулық шығармашылық ұжым құттықтады. "Сәуір" музыкалық ұжымы, Садраддин, Мирас Жүгінісов және аты аңызға айналған "Дос-Мұқасан" тобының өнері көрермендерге тағы бір тарту болды.

Кештің жарқын соңы Теміртаудың кешкі аспанын нұрландырған мерекелік отшашу болды.

Көрермендердің мәдениеті жоғары деңгейде болғанын айта кету керек. Көрермендердің көптігіне қарамастан, сахна маңында орналасқан бірде-бір гүлзарға зақым келген жоқ.