ҚТЖ пойыздардың кешігу себебін түсіндіріп, қанша өтемақы төленетінін айтты
"Қазақстан темір жолы" ұлттық компаниясы жолаушылар пойыздарының қозғалыс кестесіндегі бұзылу себебін түсіндірді. Бұл туралы Stan.kz ақпарат агенттігі хабарлайды.
Компанияның баспасөз қызметінің хабарлауынша, осы жылдың сәуір айынан бастап жолаушылар мен жүк пойыздарының жылдамдығын арттыру және сонымен бірге жолды қауіпсіз ету үшін теміржолдарды жаңарту жұмыстары жүргізілуде.
"Жұмыс штаттық режимде жүріп жатыр. Компания жолаушылардан келтірілген қолайсыздықтар үшін кешірім сұрайды және жұмысты тезірек аяқтау үшін қажетті шаралар қабылданатынын хабарлайды", - деп хабарлады ҚТЖ.
- Пандемия жолаушы тасымалына қалай әсер етті: Тоқаев ҚТЖ басшысына тапсырма берді
- Айдын Оразханов Алматы метросының директоры болып қайта тағайындалды
- Қазақстанда пойыз уақытынан кешіксе, өтемақыны қалай алуға болады
ҚР "Темір жол көлігі туралы" заңының 80-бабының 3-тармағына сәйкес жолаушылар пойызының кешігуі үшін өтемақы төлеу көзделген.
Жөнелтуді кідірткені үшін, сондай-ақ жолаушылар пойызының кешігіп қалғаны үшін тасымалдаушы кідірістің әрбір сағаты үшін билет құнының 3% мөлшерінде жолаушыға өтемақы төлейді. Егер кідіріс немесе кешігу еңсерілмейтін күштің салдарынан болғанын дәлелдей алмаса, жолаушыға залалды өтеуден басқа.
Өндіріп алынған айыппұл сомасы билет құнынан аспауға тиіс. Жолаушылар пойызының кешігуі үшін айыппұл төлеу тасымалдау ережелеріне сәйкес жолаушының өтініші бойынша жүргізіледі.
Өтемақы алу үшін жолаушыға вокзалдағы кезекшіден билетте соңғы келу пунктінде ұсталған сағаттардың саны туралы міндетті белгі алу қажет. Бұдан әрі жолаушы осы құжатпен, сондай-ақ жеке басын куәландыратын құжатпен заң бойынша тиісті өтемақы алу үшін ҚТЖ-ның кез келген кассасына жүгіне алады.
