Министрлік дәрігерлердің жалақысын өсірмейтін болды

Денсаулық сақтау министрінің орынбасары Ажар Гиният онлайн-брифинг барысында симптомсыз коронавируспен ауыратын науқастармен жұмыс істейтін дәрігерлердің жалақысына қатысты айтып берді, деп хабарлайды Stan.kz ақпарат агенттігі.

"Симптомсыз коронавируспен ауырып жатқан науқастарды емдейтін дәрігерлерге ешқандай жеңілдіктер берілмейді, өйткені олар жұқпалы науқастар қатарына жатпайды. Емдеу алгоритміне сәйкес, бұл науқастармен тікелей қарым-қатынас жасаудың қажеті жоқ. Тек телефон арқылы кеңес алу керек", - дейді ол.


Ол сондай-ақ бұрын жәрдемақы алмаған кейбір дәрігерлер әлі де қосымша қаражат төлеуге үміттене алатындығын айтты.

"Клиникада жұмыс істейтін дәрігерлерге келетін болсақ, оларға жұқпалы аурулардың зияндылығына байланысты сыйақы беру мәселесі қарастыруда. Көптеген клиникалар уақытша ауруханалар ашты, ауруға шалдыққандармен тікелей жұмыс жасап, науқастардың үйлеріне барып қызмет көрсетуде. Бұл мәселе денсаулық сақтау министрлігінде қаралуда. Жәрдемақы беріледі", - деді ол.

Талқылау
Пікір
Қазір оқып жатыр
Çàãðóçêà...
Қазір оқып жатыр