Назарбаевтың отбасы мүшелеріне тиесілі жерлер қайтарыла ма: Министр жауап берді
Ауыл шаруашылығы министрі Ербол Қарашөкеев Назарбаевтың жақындарына тиесілі жерлер заңбұзушылық анықталған жағдайда мемлекетке қайтарыла ма деген сұраққа жауап берді, деп хабарлайды Stan.kz ақпарат агенттігі.
Өткен аптада парламент "Тұңғыш президент – Елбасы туралы" Конституциялық заңның күшін жою туралы" Конституциялық заңды қабылдады. Оған сәйкес, Назарбаевтың отбасы мүшелері барлық кепілдіктен айырылады.
Үкімет кулуарында журналистер Қарашөкеевтен заң күшіне енгеннен кейін Назарбаевтың отбасы мүшелеріне тиесілі жерлер егер заңбұзушылық анықталса, мемлекетке қайтарыла ма деп сұрады.
"Қандай фамилия болмасын, кім болмасын, бізге ол әсер етпейді. Біз барлық жерді тексереміз. Жерді тиімсіз пайдалану фактілері, жерді заңбұзушылықпен беру фактілері анықталса, әрине, міндетті түрде ол жерді тексеріп, елге қайтарамыз", - деді Қарашөкеев.
Айта кетcек, былтыр ауыл шаруашылығы министрлігі былтыр 5 млн гектар жерді мемлекетке қайтарды.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"