Назарбаев Қауіпсіздік Кеңесін өмір бойы басқару құқығына ие болды – заң күшіне енді

Мемлекет басшысы Нұрсұлтан Назарбаев республиканың Қауіпсіздік Кеңесін өмір бойы басқару құқығына ие болды.

Тиісті заң бүгін, 12 шілдеде, ресми БАҚ-тарда жарияланып, заңды күшіне енді.

Естеріңізге сала кетсек, бұған дейін парламентте  “ҚР Қауіпсіздік Кеңесі туралы” заң жобасында Елбасыға кеңесті өмір бойы басқару құқығы берілуі туралы норма қарастырылды. Артынша Конституциялық кеңес аталған құжатты конституцияға сай деп мойындады.

“Қазақстан Республикасының Тұңғыш Президенті – Елбасының Қауіпсіздік Кеңесін өмір бойы басқару құқығы бар”, — деп жазылған “Қауіпсіздік кеңесінің құрамы мен қызметін ұйымдастыру”деп аталған тараудың 4-бабының 2-тармақшасында.