Ақтөбеде келіншек бедеуліктен емделемін деп көз жұмды: Дәрігерге қатысты сот отырысы басталды
Ақтөбеде науқастың өліміне кінәлі деп айыпталған гинекологтың соты басталды, деп хабарлайды Stan.kz ақпарат агенттігі КТК арнасына сілтеме жасап.
Коллаж: 31 арнадан скриншот, Instagram
Ақтөбе соты жеке клиникадағы 20 жасар қыздың өліміне қатысты істі қарауды бастады.
Қайғылы оқиға өткен жылдың қазан айында болған. Жас жұбайлар Гүлдана мен Айдос Нұрмағамбетовтер клиникаға ата-ана бола алмай жүргендерін айтып жүгінген.
Жас жұбайларды гинеколог Ольга Ли-Ко-Шин-Фетер бедеуліктен емдеген. Іс құжаттарына сәйкес, дәрігер қызды кішігірім операцияға дайындаған, оған дейін келіншекке укол салынған.
- "Суррогатты ана болғаннан кейін жақындарым теріс айналды": Өзге отбасыға сәби сүю бағын сыйлаған алматылық келіншектің хикаясы
- "Ол сау еді, өлтіріп тастады": Түркістан облысының тұрғыны күйеуінің өліміне дәрігерлерді кінәлады
Сонымен қатар, ол пациенттің дәріге аллергиялық реакциясы бар-жоғын тексермеген, дейді айыптаушы тарап. Оған қоса, тергеушілер терапевт перпаратты мөлшерден көп салған деп болжайды. Өлімнің ресми себебі - жатыр түтіктерінің жарылуы және анафилактикалық шоктың төртінші дәрежесі.
Сотталушы кінәсін мойындамады.