Мейірхан Шерниязов неліктен Мейіржан Төребаев өзімен бірге бостандыққа шықпағанын түсіндірді

Фото: https://www.instagram.com/make_sakevich/

Қаржы пирамидасын жарнамалады деп сотталған Мейірхан Шерниязов әріптесі Мейіржан Төребаевқа қатысты сұраққа жауап берді. Бұл туралы Stan.kz ақпарат агенттігі хабарлайды.

Әзілкеш жақында рақымшылыққа ілініп мерзімінен бұрын босап шыққан еді. Мейірхан оқырмандар жиі қоятын сұрақтарға шолу жасады. 

“Үйқамақтағы 6 айы есепке алынған жоқ. Себебі сот процесі кезінде Мейіржан жарты жыл үйқамақта болды. Міне, дәл осы себепті ол бостандыққа шыққан жоқ. Оның ертерек бостандыққа шығуы үшін дұға етіп қояйық", – деді Шерниязов желіде жариялаған видеосында.

• Сот Мейіржан Төребаевты шартты түрде мерзімінен бұрын бостандыққа шығарудан бас тартты

• Вайнерлер Мейіржан Төребаев пен Мейірхан Шерниязов сотқа мерзімінен босату туралы шағыммен жүгінген

Еске салайық, блогерлер Мейіржан Төребаев пен Мейірхан Шерниязов Mudarabah Capital қаржы пирамидасын құрды деген күдікке ілінген еді. 2023 жылғы маусымда сот үкімі шығып, сот қаулысымен Мейіржан Төребаев пен Мейірхан Шерниязовты бес жылға бас бостандығынан айырылды.

Былтыр сот келтірілген шығынның толық өтелмеуіне байланысты вайнер Мейірхан Шерниязовтың мерзімінен бұрын бостандыққа шығару туралы шағымын қанағаттандырмаған еді.