Мемлекеттік комиссия Жамбылда болған жарылыстың шығындарын бағалайтын болады
Мемлекет басшысы Қасым-Жомарт Тоқаевтың тапсырмасын орындау үшін Қазақстан Республикасының премьер-министрі Асқар Маминнің өкімімен 26 тамызда Жамбыл облысы Байзақ ауданындағы оқ-дәрі қоймасында болған өрт пен жарылыстың салдарын жою жөніндегі үкіметтік комиссия құрылды, деп хабарлайды Stan.kz ақпарат агенттігі ҚР Министрлер Кабинеті басшысының баспасөз қызметіне сілтеме жасап.
Қазақстан Республикасы премьер-министрінің орынбасары Роман Скляр төрағалық ететін комиссия құрамына Жамбыл облысының әкімі Бердібек Сапарбаев, Қорғаныс министрлері Нұрлан Ермекбаев, төтенше жағдайлар министрі Юрий Ильин, Ішкі істер министрінің орынбасары Мұрат Баймұқашев, Еңбек және халықты әлеуметтік қорғау, денсаулық сақтау, өнеркәсіп және инфрақұрылымды дамыту вице-министрлері және басқа да орталық мемлекеттік органдар кіреді.
Комиссияның алдына залалды бағалау және өрт пен жарылыстың салдарын жою, зақымдалған инфрақұрылымды қалпына келтіру, сондай-ақ зардап шеккендерге әлеуметтік қолдау шараларын ұсыну тапсырмалары қойылды.
Бұған дейін, мемлекет басшысы Қасым-Жомарт Тоқаев Жамбыл облысында болған жарылысқа байланысты шұғыл кеңес өткізген болатын.