Маршалл аралының әрбір тұрғынына тоқсан сайын 100 мың теңгеден астам ақша беріледі

Фото: open.kg

Маршалл аралдары әлемде алғашқы болып әмбебап базалық табысты енгізді. Бұл туралы Stan.kz ақпарат агенттігі хабарлайды.

Елдің әрбір тұрғыны тоқсан сайын 200 доллар (102 мың 609 теңге) алады. Төлемдер әрбір тұрғынға ешқандай шартсыз төленуі тиіс.

Маршалл аралдарының тұрғындары бұл төлемдерді дәстүрлі валютамен немесе долларға тәуелді стабилкоин түрінде ала алады. Қаражатты банк шотына, чекпен немесе цифрлық әмиян арқылы алуға болады.

"Үкімет ретінде біз ешкімнің артта қалмауын қамтамасыз еткіміз келеді. Тоқсан сайын бір адамға 200 доллар немесе жылына 800 доллар сізді жұмыстан кетуге мәжбүрлемейді, бірақ бұл моральдық қолдау болады", – деді қаржы министрі Дэвид Пол.

Бағдарлама Америка Құрама Штаттарымен жасалған келісім бойынша құрылған арнайы қормен қаржыландырылады. Бұл келісім үкіметке АҚШ-тың Маршалл аралдарында жылдар бойы ядролық сынақтар жүргізгені үшін өтемақы төлеуді көздейді.

Маршалл аралдары – Америка Құрама Штаттарымен байланысты Тынық мұхиты аралындағы мемлекет. Халқы шамамен 42 000 адам болатын ел Гавайи мен Австралия арасындағы архипелагта орналасқан.

Numbeo мәліметтері бойынша, Маршалл аралдарындағы салықтан кейінгі орташа жалақы – шамамен 1500 доллар (770 мың теңге).